De Streek is in smelle strjitte yn it ferlingde fan de doarpskom. De strjitte leit tusken de wynserfeart en de doarpsfeart en waard troch in heechhout ûntslúten.  It earste hûs, no nûmer 12 stie der al yn 1830 en is ien fan de âldste húzen fan it doarp. De measte huzen binne fan 1850-1900 boud. Yn de strjitte wiene eartiids in protte winkeltsjes. It heechhout is yn 1910 ferfongen troch in izeren wipbrêge. Oan it ein fan de strjitte rûn in rinpaad lâns de wynserfeart.

Oan de Eastereiner tsjerke is yn de rin fan de iuwen hiel wat ferspikere. In pear oanpassingen út it fiere ferline dy 't no noch sichtber binne, binne de oanpassingen fan de spit dan de toer dy 't nei in wjerljocht ynslach yn 1672 ferneatige is en yn 1688 syn hjoeddeiske foarm krigen hat en yn 1862 it ommitseljen mei lytse giele stientsjes fan it grutste part fan toer en tsjerke. Yn it begjin fan de tachtiger jierren yn de 20e iuw ha tsjerke en toer de lêste grutte opknapbeurt hân en yn dit finster binne dan ek tal fan foto's opnommen dy 't in part fan de wurksumheden tidens de restauraasje toane.Tidens sa 'n restauraasje falt op wat der yn de rin fan hûnderten jierren feroare is oan it bouwurk. Ien fan de grutte problemen der 't in restaurateur foar komt te stean is de fraach nei hokker situaasje moatte je by in restauraasje weromgean, of moatte de eardere restauraasjes ek noch foar in part sichtber bliuwe. As dat lêste it gefal is dan sjogge je dat in tsjerke in dynamysk bouwurk is.

Yn dit finster binne tal fan foto's opnommen dy 't in part fan de wurksumheden tidens de restauraasje toane.Tidens sa 'n restauraasje falt op wat der yn de rin fan hûnderten jierren feroare is oan it bouwurk. Tidens it toanen fan de finsters kom ik hjir op werom.

Yn dit finster komme in tal foto's nei foaren fan minsken dy 't in rol spile hawwe yn it korpslibben. It is bysûnder om te sjen dat hiele famyljes aktyf wiene en binne bij Wilhelmina. De leden binne trou en bliuwe faak jierren lid. In koart filmke is taheakke om it korps yn aksje  sjen te litten op in donateursjûn.

De kreake út 1554 is it pronkstik fan de Eastereiner tsjerke. Foar de restauraasje wie dy sawol oan de boppe- as de ûnderkant fan de efterside (de koarside) tichtmakke. Der wie in dúdlike skieding tusken de 'foartsjerke' (de koarromte út de tiid doe 't de tsjerke noch RK wie) en de 'tsjerkeseal'. Nei de restauraasje foarmet de kreake wer ien gehiel mei koar en skip fan de tsjerke.

Dizze fotorige hat as doel sjen te litten hoe 't it gehiel der foar- en nei de restauraasje útseach. Yn it ûnderdiel oer de Tsjerke wurdt mear ynhâldlik op de kreake (it doksaal) yngongen.

De eigendom fan ûnreplik guod fan de Nederlansk Herfoarme Tsjerke fan Easterein bestie út wenten, pleatsen, lân en strjitten.
F.K. Reitsma hat meardere publikaasjes skreaun oer it besit fan de tsjerke en wat him dêromhinne ôfspile. Jierrenlang hat Reitsma him ynset foar de tsjerke, yn it bysûnder as tsjerkfâld, wêrby 't de administraasje en it behear fan it tsjerklike guod in kearntaak wie.
De passy fan Reitsma gie ek oer de histoarje fan doarp, omjouwing en bewenners.
Ek oan it fêstlizzen fan dizze skiednis bestege Reitsma in soad tiid.
Mei foto - en filmkamera hat er in soad bylden fêstlein fan Easterein, lykas ek de reiskes fan de âlden fan dagen yn de jierren 1950.
Oan dit finster binne in tal publikaasjes keppele oangeande it besit fan de tsjerke.