It bûtengebied fan Easterein is frij grut. Ta dit bûtengebied hearre ek de buorskippen Meilahuzen (en wol de Pôle neamd) en Skrok. Oant 1955 ta foel de RK enklave Reahûs ek ûnder dit bûtengebied. Dit gebied bestiet folslein út greide mei dêryn de pleatsen as 'bedriuwsgebouwen'. Dit komt omt op de knipklaai foaral gers groeie wol en dêrom geskikt is foar feehâlderij.

Yn it boek Easterein hat F.K. Reitsma in grut tal fan dizze pleatsen beskreaun. Fan elke pleats is in finster makke op it húsadres. Ek fan in tal pleatsen út Reahús, fanâlds yn eigendom fan de tsjerke fan Easterein. Yn de finsters binne wy fierder gien mei de ferwurking fan de gegevens fan nei 1995 oant hjoed-de-dei.

Oan de Wynserdyk steane in oantal pleatsen. Yn de tweintiger jierren fan de 20-ste iuw binne der in pear nije pleatsen boud (Okkema en Santema) En yn de ruilferkaveling is de nijboupleats Nij Oppersteed der bij kaam. Mar der binne ek in stikmannich âlde pleatsen ferdwûn, of op in nij plak wer opboud.  

Trije kear seis ôfbyldingen.

Under de ôfbyldingen binne yn in lettere perioade teksten pleatst. De teksten binne yn de taalfiering fan de 17e iuw. Yn de katolike tsjerke wie it heechst ûngebrûklik om teksten publyklik sjen te litten. By útsûndering barde dat om wat te ferklearjen. Mar de wichtichste fraach bliuwt: wat is de binende faktor tusken al dizze achttjin ôfbyldingen?

It is perfoarst gjin stripferhaal watst fan it begjin oan de ein lêst. Nee, der sitte efterlizzende gedachten efter, djippere betsjuttings, dy 't net allinne tahearre oan de tiid fan 1554. Om in better ynsjoch te krijen fan wat der mei de ôfbyldingen bedoeld wurdt, is by elke foarstelling de eigentlike tekst út de bibel pleatst.

Trijehuzen leit oan de wynserfeart, in farwetterferbining tusken de Eastereinder feart en de Kleasterfeart. De wynserfeart wie eartiids de wichtichste ûntsluting fan de trije pleatsen. De ûntsluting nei de ferhurde wei, de wynserdyk, rûn troch de greiden en wie ûnferhurde en yn de hjerst en winter min begeanber. Foarhinne rûn it paad fan Trijehuzen nei de Gouden Ingel.

Letter waard de hjoeddeistige koartere rûte keazen, wêrby 't noch wol om de pleats Rispens hinne riden wurde moast. Yn de ruilferkaveling is in brede iepenbiere betondyk oanlein.

Wa hawwe der allegearre wenne oan de Tsjerkebuorren?

De skriuwers fan it boek Easterein hawwe dêr ûndersyk nei dien en it fêstlein oant de publikaasjedatum (1995) Yn dit finster is gebrûk makke fan de ynformaasje út it boek, en dêrnei keppele oan de wenning. Oangeande de bewenners fan nei 1995 ûntbrekke in flink tal gegevens. Beskikke jo wol oer dizze ynformaasje, dan hearre wy dat graach. Oer de mail of op oare wize.

Om it oersichtlik te hâlden binne de huzen dy 't gearfoege / ferboud binne nei ien wenning twa kear opnommen.