Vrijburg
Vrijburg
De strjitte Vrijburg ferbynt de Wynserdyk mei de Skoallestrjitte. Oan de Eastkant, foar de Skoallestrjitte stiene foarhinne 8 keamerwenten, boud yn 1882 yn opdracht fan de Tsjerkfâldij fan de Ned. Herv. Tsjerke. Dizze lokaasje hie de namme Pôlehoeke. De 8 wennings - ûnder- ien-kap wiene ornearre foar earme minsken en ek foar skipperfolk, dat foar in part ek op it skip ferbleau.
Oan dit finster is in dokumint keppele wêryn't de wenningbou fan Sjaardaleane, AndriesJoustrastrjitte, Skoallestrjitte en Vrijburg beskreaun stiet. Dêrút blykt dat de ynset fan it Doarpsbelang om nijbou yn Easterein foarinoar te krijen ek doe al spile.
Nei de nijbou oan de Sjaardaleane yn 1948 folge de Andries Jousstrastrjitte yn 1952. Yn 1952 is ek de earste wenning, doe twa ûnder ien kap boud. It is yntusken in frijsteande wenning Vrijburg nûmer 2.
It earste blokje wat dêrnei boud waard, giet om nûmers 4, 6, en 8 yn 1953. It blok fan seis skeakele wenningen is boud yn 1967.
Yn 1964 waard it suvelfabryk ûntmantele. Ype Joustra hat by it doarpsbelang der op wiisd dat de âlde liedingen en buizen geskikt wêze soene om der in boarterstún fan te meitsjen. Der is in 2000 kilo izer kocht foar in skaplike priis. Mei ynset fan frijwilligers is de boarterstún oanlein. Dy is noch altyd yn gebrûk.
Yn 1970 is de kristlike beukerskoalle 'It Bekoar' op Vrijburg boud. Nei 20 jier tsjinst is de skoalle sletten. De basisskoalle ûntstiet en de beukers geane nei it skoalgebou oan de Skoallestritte. Foar mear ynfo sjoch by it ûnderwiis.
Colofon
Boek Easterein
