3e Kr. Skoalle, Us Gebou

Yn de finsters wurde de gebouen beskreaun dyt earder tsjinst dien ha as skoalgebou. Der wiene kristlike skoallen mar ek it iepenbier ûnderwiis wie yn Easteren festige. 

it eilan fan Easterein is rûn it jier 1000 ynpoldere. Fan de polderdyk waard simmers in protte gebrûk makke om fan Snits nei Frentsjer te gean. De foarbuorren ferbûn tsjerke en doarp mei dizze polderdyk. Yn de tritiger jierren fan de forige ieuw wie der in protte middenstân op de foarbuorren, De muorren hongen fol mei "reklame" buorden. Derom waard de dyk ek wol de Nijstêd neamd. 

De Ald Skoalle Yn 1874 waard op kosten fan de Tsjerke oan de Tsjerkebuorren in nij gebou delset mei in wenhûs. It gebou tsjinne as "Bewaar-, naai- en breischool". Lang hat it dizze funksje net hân. Yn 1882 waard de earste kristelike skoalle te lyts en ferhuze hjirhinne. It hat oant 1892 tsjinst dien as skoalle. Dernei krige it de bestimming fan ferieningsgebou fan Easterein. Nei dat it ferboud wie yn 1956 krige it de namme Us Gebou, dêrfoar waard it “de Ald Skoalle” neamd.

Underwiis wie net nedich foar minsken dy`t allinne mar dingen te dwaan hiene, dy’t oaren opdroegen. Sa waard yn `e midsiuwen almeast oer it ûnderwiis tocht. Underwiis waard dêrom mar oan in lyts tal minsken jûn. Yn dizze midsiuwen is der grif ek yn Easterein ûnderwiis jûn. It fûn nei alle gedachten yn de kleasters plak, en hie in Rooms-Katolyke grûnslach. Doe`t yn 1580 de Reformaasje ynfierd waard, feroare dat gâns. Der soargen de folgelingen fan Calvijn foar. Oant 1795 hie dizze tsjerke, de `Nederlandsche Hervormde (Staats) Kerk, of Gerefo