Tsjerkebuorren

Dit gebou stiet bekend as "Komelkershus". Mar ek as It Kleaster.  Yn 1453 wenne op Stittens in geafrou Dotte. (wurdt apart hielendal beskreaun). Sy woe nei har dea dat har hús op Stittens ôfbrutsen waard en opnij opboud waard by de Tsjerke. It moast in wenning wurde foar geastliken. En dat barde ek. It wie it ûnderkommen fan de Eastereinder geastliken fan foar de reformaasje (1517). De assosjaasje tusken 'geastliken' en muontsen leit foar de hân. Dêrfandinne dat de Eastereinders dit huzenkompleks ' It Kleaster ' neamden. De strjitte yn de n

Om 2020 hinne is it projekt " Eastereinders by de foardoar " fan fotografe Willy Sijbesma ta útfiering kaam.De bewenners fan Easterein binne by de foardoar fan de wenning op foto set, en dêrnei binne se op strjitnamme publisearre yn de Doarpskrante.Hast alle bewenners binne portrettearre.Foar no en letter nijsgjirrich om der kennis fan te nimmen en it tiidsbyld fan klean yn je op te slaan.

Wa hawwe der allegearre wenne oan de Tsjerkebuorren? De skriuwers fan it boek Easterein hawwe dêr ûndersyk nei dien en it fêstlein oant de publikaasjedatum (1995) Yn dit finster is gebrûk makke fan de ynformaasje út it boek, en dêrnei keppele oan de wenning. Oangeande de bewenners fan nei 1995 ûntbrekke in flink tal gegevens. Beskikke jo wol oer dizze ynformaasje, dan hearre wy dat graach. Oer de mail of op oare wize. Om it oersichtlik te hâlden binne de huzen dy 't gearfoege / ferboud binne nei ien wenning twa kear opnommen.

Yn Easterein hie de tsjerke in grutte ynfloed op it deistich en geastlik libben. It ûnderwiis hie dêrom ek in kristlike grûnslach. De ûnderwizer wie de feint fan de dûmny en dêrnjonken faak ek deagraver, kloklieder, foarsjonger yn 'e tsjerke, haachknipper, tsjerkhofûnderhâlder en oargalist. Yn Easterein wenne dizze man moaigrif yn it ienichste hûs dat binnen de grêft fan de tsjerke stie, op'e râne fan de grêft. Hjir ha de earste Eastereinder bêrn har ûnderrjocht hân. It hûs is ôfbrutse

De Herfoarme Pastorie, Tsjerkebuorren 1, boud yn 1861 De pastorij is yn eklektyske styl boud. Dat wol sizze, der binne meardere histoaryske stilen trochinoar hinne brûkt. Dat wie " moade " yn dy tiid. Der is gebrûk makke fan fûneminten fan in midsiuwske foargonger. De foargonger lei wat mear noardwestlik tsjin de grientetún oan. De Pastorie is hielendal omringt mei in grêft. De pastorij, de tún, de brêge en it koetshûs binne oanwiisd as ryksmonumint. De grutte fan de Pastorie mei de tún deromhinne, de gri

De Tsjerkebuorren is ien fan de âldere strjitten fan Easterein. Doe 't it doarp noch gjin strjitnammen hie foarme dit part in ûnderdiel fan de 'Achterbuorren' (sa waard it diel oan de eastkant fan de tsjerke neamd). De Tsjerkebuorren begjint by nr 33 (de eardere slachterij) en einicht by de eardere pastorij nr 1. De feart rûn ek troch fan it iene nei it oare punt. De huzen dy 't oan de Tsjerkebuorren steane, stiene der noch net doe 't de feart der noch streamde. It wie in kreas rychje mei op ien plak (tusken de nrs 23 en 25) in romte der 't foar de oar