Skoallegebouen

Oan de skoallestrjitte is yn 1954 in nije kristlike legere skoalle boud. Dy krige de namme “ Skoalle mei de bibel”. Bij de ûnderwiisfernijing yn 1988  waard de namme oanpast nei CBS De Foareker. De beuker- en legere skoalle kamen byelkoar yn it basisûnderwiis. Juffer Wijma hie de namme De Foareker betocht. De betsjutting leit in link nei de wize wêrop de boer it lân meant. Earst der omhinne, om dernei der better by te kinnen sûnder it gers plat te riden. Symbolisk foar de basisskoalle, wer’t de ûntwikkeling fan de minsk begjint.

Iepenbiere skoalle, aan de Wynserdyk nûmmer 39 wie earder de Iepenbiere skoalle festige. Hjirfoar wie in wenhús boud. Op 9 july 1883 waard de bou fan in iepenbiere skoalle oanbestege en op 11 janewaris 1884 waard de koalle iepene. Troch in werom rinnen fan de learlingen is de skoalle slúten op 1 april 1934. De bêrn gongen dêrnei nei Itens nei skoalle. Letter hat de skoalle de funksje krigen as gymnastyk gebou.

De twadde Kristelike skoalle yn Easterein waard oprjochte yn 1870. It gebou waard setten troch Johannes Pieters Dijkstra, Meester timmerman te Welsryp, foar de som fan fl. 2395,-  G. Koster krige it ferverswurk foar fl. 98,- De skoalle kaam te stean op de grûn fan Rienk Reinders Sybrandy, de grûn waard foar 12 jier hierd.

Op 17 oktober 1870 waard de nije kristlike skoalle yn dit gebou iepene. Om ien oere sieten master Langhout en de bern al yn it lokaal en om twa oere wiene der goed 300

Beukerskoalle

Op it Vrijburg, dizze skoalle is iepene op 11 juny 1971, it hie de namme "It Bekoar".

Skiednis

Yn 1967 komt de bou fan in nije beukerskoalle op 'e tafel. Goed tritich hantekeningen binne genôch om yn 'e simmer fan 1967 it bouwen fan in nije skoalle oan te freegjen. Dit op grûn fan in twa-klassige skoalle. Dat soks net samar gean soe wie neffens ferwachting, mar it duorret oant 1969 ear’t  alle papieren en hantekeningen foar inoar binne. Op 28 april 1970 wurdt de bou fan in nije beukerskoalle oanbesteg