It Heechhiem

Yn maaie 2021 skriuwde ik in stikje oer de feart dy ’t foar de hokken rûn en nei it sportfjild en de moestún feart kronkele. It part foar de hokken waard dimpt. Yn pleats fan it brechje nei de Skippersbuorren kaam der in daam. Ek oan de kant fan de moestún feart waard it brechje ferfongen troch in daam. Om tsjin te gean dat it part dat oerbliuwde in stjonkend gat wurde soe, waarden der troch de ôfslutingen mânske buizen lein. De trochstream moast yn takt bliuwe.
            

1. Brechje tusken 't Heechhiem

De strjitnamme `t Heechhiem is foar it earst brûkt nei de strjitnammejouwing yn 1956. Foar dy tiid waard it as in ûnderdiel fan de skippersbuorren en fan it skoalplein sjoen. Dat is begripelik want de huzen op de yntroduksjefoto stiene lâns de feart dy `t lâns de Skipperbuorren rûn en rjochtôf, nei wat no it sportfjild is, rûn. It blokje fan acht is op it plak kommen der `t oarspronkelik in tsjerkepleats op stie. Letter is dit blokje ferboud ta een winkel mei in wenhûs. De pleats is in ein fierderop, tsjinoer de Sjaardapleats, opnij opboud.

Snypsnaren troch Jan Hiemstra

Yn it doarpskrantsje fan maaie waard troch Bauke de Boer him ôffrege hoe ´t it no mei Jan Hiemstra wêze soe. Jimme sille begrepen ha dat it goed mei my is. Der sille noch Eastereiners wêze dy ´t my kinne as Jan fan Pieter skuonmakker en Jantsje. Wer oaren kinne my fan it keatsen en fuotbaljen en der sille ek guon minsken wêze wer ´t ik in grutte ûnbekende foar bin.

Eastereiner

Ik wie 21 jier doe ´t ik yn tsjinst moast en feitlik út Easterein gi